កម្មវិធីថ្មីមួយក្នុង iOS 12 នឹងធ្វើឱ្យអ្នកប្រើប្រាស់ iPhone ទាំងអស់ភ្ញាក់ផ្អើល

599

នៅខែ កញ្ញា ខាងមុខនេះ ក្រុមហ៊ុន Apple នឹងបញ្ចេញកម្មវិធីថ្មីៗជាច្រើននៅក្នុងកំណែរ Update version ជំនាន់ទី iOS 12  របស់ iPhone ហើយក្នុងនោះដែរ ក៏មានកម្មថ្មីស្រឡាងមួយឈ្មោះ Screen Time ដែលក្រុមហ៊ុន Apple រំពឹងថាវានឹងធ្វើឱ្យអ្នកប្រើប្រាស់ iPhone ទាំងអស់មានភាពភ្ញាក់ផ្អើលនិងពេលវេលាដែលពួកគេចាប់កាន់ទូរស័ព្ទដៃ។

កម្មវិធី Screen Time នឹងបង្ហាញអ្នកប្រើប្រាស់ iPhone ឱ្យដឹងពីទិន្នន័យនៃពេលវេលាប្រើប្រាស់ និងចំនួនដែលពួកគេចាប់កាន់ iPhone ប៉ុន្មានដងក្នុងមួយថ្ងៃ។ មិនត្រឹមតែប៉ុណ្ណោះ កម្មវិធីនេះក៏នឹងបង្ហាញពីស្ថិតិនៅលើកម្មវិធីផ្សេងទៀតដែលអ្នកចូលចិត្តលេងបំផុត និងបង្ហាញពីចំនួន notifications ដែលអ្នកទទួលបាន។

លោក Tim Cook នាយកប្រតិបត្តិរបស់ក្រុមហ៊ុន Apple បានសម្តែងចំណាប់អារម្មណ៍ថា លោកពិតជាមានការភ្ញាក់ផ្អើលយ៉ាងខ្លាំងចំពោះពេលវេលាដែលលោកប្រើប្រាស់ iPhone និងចំនួនដែលលោកចាប់កាន់វាក្នុងមួយថ្ងៃ។

ទោះបីជាយ៉ាងណា លោក Tim Cook បានមានប្រសាសន៍ថា ក្រុមហ៊ុន Apple គឺមិនព្រួយបារម្ភពីចំនួនអ្នកប្រើប្រាស់ iPhone នឹងមានការធ្លាក់ចុះឡើយ។ “យើងមិនដែលចាត់ទុកការប្រើប្រាស់គឺជារឿងសំខាន់នោះទេ។ យើងចង់អតិថិជនពេញចិត្ត និងទទួលបានអំណាចពីការប្រើប្រាស់ឧបករណ៍ដែលពួកយើងបានលក់។ ប៉ុន្តែ យើងក៏មិនចង់ឱ្យអតិថិជនចំណាយពេលវេលារបស់ពួកគេច្រើន ឬ ក៏ទាំងស្រុងទៅលើឧបករណ៍របស់ពួកយើងដែរ។ វាជារឿងដែលបុគ្គលម្នាក់ៗត្រូវដឹងពីចំនួនពេលវេលានៃការប្រើប្រាស់ទូរស័ព្ទរបស់ពួកគេ” នេះបើតាមសម្តីរបស់លោក Cook នៅក្នុងបទសម្ភាសន៍មួយរបស់សារពត៌មាន CNN

អត្ថបទដោយ៖ Ciel

ផ្ទាំងឃោសនាពាណិជ្ជកម្ម
សួស្តី! ខ្ញុំគឺជាអ្នកសរសេរអត្ថបទឱ្យ Apamat.com និងប្រែសម្រួលអត្ថបទណាទាក់ទងនិងអ្នកជំនួញល្បីៗ ជាពិសេសរបៀបក្នុងការសម្រេចជោគជ័យ ព្រមទាំងបទពិសោធន៍បរាជ័យរបស់ពួកគេ។ សម្រាប់ទស្សនៈខ្ញុំផ្ទាល់ ខ្ញុំយល់ថា ការធ្វើអាជីវកម្មគឺជាថ្នាំដ៏ស័ក្តិសិទ្ធិមួយដែលអាចកែប្រែទំនាស់ផលប្រយោជន៍រវាងមនុស្សនិងមនុស្ស។ សូមអរគុណចំពោះចំណាប់អារម្មណ៍ និងពេលវេលាដ៏មានតម្លៃរបស់អ្នកក្នុងការអានអត្ថបទរបស់ខ្ញុំ៕