ក្រុមហ៊ុនធំៗទាំង 10 ដែលគ្រប់គ្រងដោយ Alibaba Group

2231

Alibaba Group Holding Ltd. គឺជាក្រុមហ៊ុនលក់រាយធំមួយនៅក្នុងពិភពលោក ហើយក៏គ្រប់គ្រងជំនួញផ្សេងៗជាច្រើនទៀតរាប់មានវិស័យសុខាភិបាល ប្រព័ន្ធផ្សព្វផ្សាយ និងកំសាន្តជាដើម។ ប្រតិបត្តិការលើប្រទេសជាង 200 ជុំវិញពិភពលោក alibaba.com គឺជាគេហទំព័រមួយផ្គូផ្គង់ម្ចាស់អាជីវកម្មទៅម្ចាស់អាជីវកម្មផ្សេងទៀត ធំជាងគេលើពិភពលោក។

ទាំងនេះ គឺជាក្រុមហ៊ុនធំៗ 9 ផ្សេងទៀតដែលគ្រប់គ្រងដោយ Alibaba Group ៖

Taobao

Alibaba Group បានបង្កើត Taobao នៅក្នុងឆ្នាំ 2003 វាគឺជាគេហទំព័រលក់ទំនិញតាមអនឡាញមានលក្ខណដេញថ្លៃទំនិញ ស្រដៀងគ្នាទៅនិង eBay និង Amazon ដែរ។ កំឡុងឆ្នាំដែល Taobao ដំណើរការនោះ eBay ក៏ទិញយកក្រុមហ៊ុនដេញថ្លៃធំមួយនៅប្រទេសចិនឈ្មោះ Eachnet ហើយដើម្បីក្រកួតប្រជែង Taobao បានផ្តល់ការដាក់លក់ និងផ្ញើរសារជាមួយអតិថិជន ឥតគិតថ្លៃដល់អ្នកដែលដាក់លក់ទំនិញលើគេហទំព័ររបស់ខ្លួន។ ពីរឆ្នាំក្រោយមក Taobao ក៏បានក្លាយជាគេហទំព័រដេញថ្លៃទំនិញធំជាងគេនៅប្រទេសចិន។

Alipay

ក្រុមហ៊ុន Alibaba បានបង្កើត Alipay នៅឆ្នាំ 2004 ហើយឥឡូវនេះ វាបានក្លាយជាក្រុមហ៊ុនទូទាត់សាច់ប្រាក់តាមអនឡាញធំមួយលើពិភពលោក ដែលមានអ្នកប្រើប្រាស់ច្រើនជាង 400 លាននាក់។ ពេលនេះ Alipay គ្រប់គ្រងដោយ Ant Financial Sevice Group ដែលជាសាខាក្រុមហ៊ុន Alibaba Group ផងដែរ។ Alipay មានគ្រិះស្ថានហិរញ្ញវត្ថុជាដៃគូចំនួន 65 រួមទាំង MasterCard និង Visa  Alipay ជួយក្រុមហ៊ុនមេច្រើន ផ្នែកទូទាត់សាច់ប្រាក់ឲ្យក្រុមហ៊ុនលក់ទំនិញតាមអនឡាញដូចជា Taobao ជាដើម។

Alibaba Pictures Group

Alibaba Pictures Group Ltd. គឺជាឈ្មោះថ្មីប្តូរពីឈ្មោះដើម ChinaVision Media បន្ទាប់ពី Alibaba ទិញយកភាគហ៊ុនភាគច្រើនចំនួន 60% ស្មើរនិងទឹកប្រាក់ 804 លានដុល្លារអាមេរិច កាលពីឆ្នាំ 2014 ក្រុមហ៊ុននេះបានក្លាយជាក្រុមហ៊ុនផលិតភាពយន្តធំជាងគេប្រចាំប្រទេសចិនចាប់តាំងពីឆ្នាំ 2015 មក ប៉ុន្តែកាលពីឆ្នាំ 2017 ក្រុមហ៊ុន Alibaba Pictures Group ប្រកាសថាខ្លួនបានខាតបង់ប្រាក់ចំនួន 83.7 លានដុល្លារអាមេរិច។

Aliwangwang និង Laiwang

Alibaba Group បានបង្កើត Aliwangwang នៅឆ្នាំ 2004 វាគឺជាកម្មវិធីជជែកកំសាន្តតាមអ៊ីនធើណែតធំជាងគេលំដាប់ទីពីរនៅប្រទេសចិន បន្ទាប់ពី WeChat របស់ Tencent នៅឆ្នាំ 2013 Alibaba Group ក៏បញ្ចេញកម្មវិធីជជែកកំសាន្តថ្មីមួយទៀតគឺ Laiwang ហើយមកទល់ពេលនេះ Laiwang នៅតែស្ថិតក្រោមការគ្រប់គ្រងរបស់ Alibaba Group ដដែល។

Lazada

ក្រុមហ៊ុន Alibaba បានប្រកាសកាលពីខែមីនា ឆ្នាំ 2018 ថាខ្លួននិងវិនិយោគប្រាក់ 2 ពាន់លានដុល្លារក្នុងក្រុមហ៊ុន Lazada Group SA កាលពីឆ្នាំ 2017 Alibaba កាន់កាប់ភាគហ៊ុនរបស់ Lazada 83% រួចទៅហើយ បន្ទាប់ពីវិនិយោគប្រាក់ 1 ពាន់លានដុល្លារ។ Lazada គឺជាក្រុមហ៊ុនដែលផ្តោតលើពានិជ្ជកម្មអេឡិចត្រូនិច នៅក្នុង 6 ប្រទេសក្នុងតំបន់អាស៊ានរួមមាន វៀតណាម ឥណ្ឌូណេស៊ី ម៉ាឡេស៊ី សិង្ហបុរី ហ្វីលីពីន និង ថៃ។

South China Morning Post

Alibaba បានទិញយកសារពត៌មានចំណាស់មួយរបស់ចិន South China Morning Post កាលពីខែធ្នូ ឆ្នាំ 2015 ក្នុងតម្លៃប្រហែល 266 លានដុល្លារអាមេរិច។ ការទិញយកសារពត៌មាននេះ គឺជាយុទ្ធសាស្រ្តមួយដើម្បីពង្រីកទីផ្សារផ្សព្វផ្សាយ និងកំសាន្តរបស់ Alibaba

AutoNavi

Alibaba Group បានទិញយកក្រុមហ៊ុន AutoNavi ដែលជាក្រុមហ៊ុនផ្តល់សេវាកម្មស្វែងរកទីតាំង និងនាវាចរណ៍ កាលពីឆ្នាំ 2014 ក្រុមហ៊ុន AutoNavi ធ្លាប់ផ្គត់ផ្គង់សេវាកម្មផែនទីនៅប្រទេសចិនទៅឲ្យក្រុមហ៊ុន Google អស់រយៈពេលជាង 10 ឆ្នាំ ហើយក៏ភ្ជាប់សេវាឲ្យក្រុមហ៊ុន Apple Inc ផងដែរ។ កម្មវិធី AutoNavi នេះមានអ្នកប្រើប្រាស់ជាង 100 លាននាក់ ហើយក៏ជាកម្មវិធីធំជាងគេមួយនៅប្រទេសចិនផងដែរ។

Ali Health Information Technology

Ali Health ក្លាយជាក្រុមហ៊ុនផ្តល់សេវាកម្មសុខាភិបាលរបស់ Alibaba Group បន្ទាប់ពីក្រុមហ៊ុន Alibaba និង Yunfeng បានទិញយកភាគហ៊ុន 54% ពីក្រុមហ៊ុនមួយឈ្មោះថា Citic 21CN Alibaba បាននិយាយថាខ្លួននិងលក់ក្រុមហ៊ុន Ali JK Nutrition Products Ltd. ទៅឲ្យក្រុមហ៊ុនខ្លួនឯង Ali Health ដោយបញ្ចុះតម្លៃឲ្យ 6.1%

ផ្ទាំងឃោសនាពាណិជ្ជកម្ម
ខ្ញុំគឺជាអ្នកសរសេរអត្ថបទ និងអ្នកទីផ្សារឲ្យគេហទំព័រ apamat.com ហើយខ្ញុំក៏កំពុងធ្វើការជាអ្នកទីផ្សារឲ្យក្រុមហ៊ុនផ្សេងទៀតផងដែរ។ ខ្ញុំចូលចិត្តចែករំលែក ហើយខ្ញុំមកទីនេះគឺដោយសារខ្ញុំចង់ចែករំលែកអ្វីដែលខ្ញុំដឹងអំពីការធ្វើជំនួញ ជាមួយអ្នក។