Google វិនិយោគប្រាក់ 550 លានដុល្លារក្នុងក្រុមហ៊ុន JD.com ដែលជាក្រុមហ៊ុនប្រជែងធំរបស់ Alibaba

485

Google និងវិនិយោគប្រាក់ 550 លានដុល្លារចូលក្នុង JD.com ដើម្បីដណ្តើមទីផ្សារអាស៊ីឲ្យបានកាន់តែច្រើន ហើយក៏ជាគោលបំណងប្រកួតប្រជែងជាមួយ amazon.com ផងដែរ។

ម្ចាស់ភាគហ៊ុនធំៗរបស់ JD.com មានទាំងក្រុមហ៊ុនយក្ស Tencent Holdings Ltd និង Walmart Inc ហើយក្រុមហ៊ុននេះក៏ជាដៃគូរបស់ក្រុមហ៊ុនលក់រាយធំបំផុតរបស់បារាំង Carrefour SA ផងដែរ។

Google ឈានជើងវិនិយោគមកក្នុងក្រុមហ៊ុននៅអាស៊ី ដែលជាទីកន្លែងដែលកំពុងតែមានសញ្ញានៃការលូតលាស់នៃទីផ្សារលក់រាយ និងទូទាត់ប្រាក់តាមអ៊ីនធើណែត ហើយអាស៊ីក៏ជាទីផ្សារប្រកួតប្រជែងរវាង ចិន និង អាមេរិចផងដែរ ខណៈ Google ទើបតែបោះទុនចូលក្នុង Go-Jek របស់ឥណ្ឌូនេស៊ី ហើយបើតាមរបាយការណ៍ពី Reuters ក៏បង្ហាញថា Google ក៏ប្រហែលជាវិនិយោគក្នុង Flipkart របស់ឥណ្ឌាផងដែរ ប៉ុន្តែ Google បានបដិសេធមិនឆ្លើយនិងសំណួរក្នុងការវិនិយោគក្នុង Flipkart

អ្នកនាំពាក្យរបស់ JD.com បានថ្លែងថា  Google និងកាន់កាប់ភាគហ៊ុនថ្មីចំនួន 27.1 លានហ៊ុន ហើយវាតិចជាង 1% នៃភាគហ៊ុនទាំងអស់របស់ JD.com

ក្រុមហ៊ុន JD.com បានថ្លែងជាផ្លូវការណ៍ថា Google និងជួយផ្នែកដឹកជញ្ជូន និងគ្រប់គ្រងទំនិញឲ្យកាន់តែប្រសើរ៕

ផ្ទាំងឃោសនាពាណិជ្ជកម្ម
សួស្តី! ខ្ញុំគឺជាអ្នកសរសេរអត្ថបទឱ្យ Apamat.com និងប្រែសម្រួលអត្ថបទណាទាក់ទងនិងអ្នកជំនួញល្បីៗ ជាពិសេសរបៀបក្នុងការសម្រេចជោគជ័យ ព្រមទាំងបទពិសោធន៍បរាជ័យរបស់ពួកគេ។ សម្រាប់ទស្សនៈខ្ញុំផ្ទាល់ ខ្ញុំយល់ថា ការធ្វើអាជីវកម្មគឺជាថ្នាំដ៏ស័ក្តិសិទ្ធិមួយដែលអាចកែប្រែទំនាស់ផលប្រយោជន៍រវាងមនុស្សនិងមនុស្ស។ សូមអរគុណចំពោះចំណាប់អារម្មណ៍ និងពេលវេលាដ៏មានតម្លៃរបស់អ្នកក្នុងការអានអត្ថបទរបស់ខ្ញុំ៕