នាឡិការោទ៍ចម្លែកមួយអាចដាស់មនុស្សឱ្យភ្ញាក់ពីដំណេកដោយក្លិនកាហ្វេ

564

បច្ចុប្បន្ននេះ ការរស់នៅរបស់មនុស្សកាន់តែងាយស្រួល ទំនើប ​និងអស្ចារ្យឡើងដោយសារជំនួយពីបច្ចេកវិទ្យា។

ក្រុមហ៊ុន Kickstarter ថ្មីៗនេះ បានបង្កើតនាឡិកាសម្រាប់ដាក់ម៉ោងរោទ៍មួយឈ្មោះថា SensorWake Trio ដែលអាចដាស់មនុស្សឱ្យក្រោកពីដំណេកដោយបញ្ចេញក្លិនដូចជារសជាតិកាហ្វេ នំ និងក្លិនទឹកក្រូចជាដើម។

រូបភាព៖ Kickstarter

ដំបូងនាឡិកានេះបំភាយក្លិនឆ្ងុយឡើង មួយនាទីក្រោយមកទៀត វានឹងបញ្ចេញពន្លឺភ្លើងនៅផ្នែកខាងមុខរបស់វា ហើយបើវាធ្វើបែបនេះហើយអ្នកនៅតែមិនភ្ញាក់ វានឹងបន្លឺសម្លេងរោទ៍ស្រាលជាបន្តទៀត។

ឧបករណ៍បញ្ចេញក្លិនដែលដាក់នៅលើនាឡិការោទ៍នេះអាចប្រើបានរយៈពេល ៣០ ថ្ងៃក្នុងមួយក្លិន ហើយអ្នកក៏អាចធ្វើការផ្លាស់ប្តូរវាទៅចំណង់ចំណូលចិត្តរបស់អ្នកបានដែរ។

គំនិតច្នៃប្រឌិតនេះទទួលបានការគាំទ្រយ៉ាងខ្លាំងពីសាធារណៈជន និងទទួលបានប្រាក់ឧបថម្ភប្រមាណជា ៤០,០០០ ដុល្លារសិង្ហបុរីភ្លាមៗក្នុងរយៈពេល ៣ ម៉ោង។

យ៉ាងណាមិញ តម្លៃនាឡិការោទ៍នេះគឺមិនទាន់ត្រូវគេបង្ហាញនៅឡើយទេ ហើយបើមានពត៌មានទាក់ទងនិងនាឡិកាចម្លែកនេះទៀត យើងខ្ញុំនឹងលើកមកជម្រាបជូនអ្នកនៅពេលក្រោយ៕

ប្រភព៖ asiaone

ប្រែសម្រួលដោយ៖ Ciel

ផ្ទាំងឃោសនាពាណិជ្ជកម្ម
សួស្តី! ខ្ញុំគឺជាអ្នកសរសេរអត្ថបទឱ្យ Apamat.com និងប្រែសម្រួលអត្ថបទណាទាក់ទងនិងអ្នកជំនួញល្បីៗ ជាពិសេសរបៀបក្នុងការសម្រេចជោគជ័យ ព្រមទាំងបទពិសោធន៍បរាជ័យរបស់ពួកគេ។ សម្រាប់ទស្សនៈខ្ញុំផ្ទាល់ ខ្ញុំយល់ថា ការធ្វើអាជីវកម្មគឺជាថ្នាំដ៏ស័ក្តិសិទ្ធិមួយដែលអាចកែប្រែទំនាស់ផលប្រយោជន៍រវាងមនុស្សនិងមនុស្ស។ សូមអរគុណចំពោះចំណាប់អារម្មណ៍ និងពេលវេលាដ៏មានតម្លៃរបស់អ្នកក្នុងការអានអត្ថបទរបស់ខ្ញុំ៕