ក្រៅពីអាជីពបាល់ទាត់ Cristiano Ronaldo ក៏ជាអ្នកជំនួញ?

590

Super Star របស់ក្លិបបាល់ទាត់យក្សអេស្ប៉ាញ Real Madrid ត្រូវបានគេវាយតម្លៃថាមានទ្រព្យសម្បត្តិសរុប ៤៥០ លានដុល្លារអាមេរិក និងជាអត្តពលិកដែលមានជាងគេនៅលើពិភពលោក។ តាមការចុះរបស់ទស្សនាវដ្តី Forbes កាលពីថ្ងៃទី ០៥ ខែ មិថុនា ឆ្នាំ ២០១៨ Ronaldo ត្រូវបានគេប៉ានស្មានថារកចំណូលបាន ១០៨ លានដុល្លារអាមេរិក ដែលចំណូលទាំងនេះមួយចំណែកបានមកពីប្រាក់ខែនិងប្រាក់លើកទឹកចិត្ត ៦១ លានដុល្លារ ហើយមួយចំណែកទៀត ៤៧ លានដុល្លារ បានមកពីការផ្សាយពាណិជ្ជកម្ម។

បើទោះបីជា Cristiano Ronaldo បច្ចុប្បន្នមិនមែនជាកីឡាករដែលថ្លៃឈ្មួលខ្ពស់ជាងគេក្នុងចំណោមតារាបាល់ទាត់ល្បីៗដទៃក៏ដោយ ប៉ុន្តែ វិរៈបុរសបាល់ទាត់របស់ប្រទេសព័រទុយហ្គាល់រូបនេះទទួលបានអ្នកគាំទ្រវ៉ាដាច់ទាំង Messi និង Neymar រហូតដល់ ១០ លាននាក់ នៅលើបណ្ដាញសង្គម Instagram, Twitte និង Facebook

យោងតាមក្រុមហ៊ុនវាយតម្លៃនិងវិភាគ sponsors សម្រាប់អត្តពលិក Hookit បានវាយតម្លៃថា រាល់ពេលផុសរូបនៅលើបណ្ដាញសង្គមម្តងៗ Ronaldo ទទួលបានសកម្មភាពនៃការចុចឡាយពីអ្នកគាំទ្រ ២.៣ លាននាក់ ហើយចំនួននេះធ្វើឱ្យរូបគេរកចំណូលបាន ១.៨ លានដុល្លារពីការផ្សាយពាណិជ្ជកម្មពីក្រុមហ៊ុនល្បីៗដូចជាក្រុមហ៊ុនកីឡា Nike និង ៤០០,០០០ ដុល្លារ ពី sponsors នៅលើការផុសនៅក្នុង Instagram

មិនត្រឹមតែប៉ុណ្ណោះ Ronaldo ក៏មានរឿងមួយដែលកីឡាដទៃទៀតមិនមានគឺ កុងត្រាផ្សាយពាណិជ្ជកម្មរយៈពេលមួយជីវិតជាមួយក្រុមហ៊ុនផលិតសម្ភារៈកីឡា Nike ដែលធ្វើឡើងតាំង ២០១៦ ក្នុងតម្លៃ ១ ពាន់លានដុល្លារ។

ជាងនេះទៅទៀត កីឡាកររូបសង្ហា Cristiano Ronaldo គឺជាម្ចាស់ក្រុមហ៊ុនផលិតខោក្នុង រោងចក្រផលិតស្បែកជើង ភួយ គ្រឿងក្រអូប កម្មវិធីលើទូរស័ព្ទ ភោជនីយដ្ឋាន និងជាម្ចាស់សណ្ឋាគារផងដែរ ហើយកាលពីឆ្នាំ ២០១៥ គេបានវិនិយោគ ៤០ លានដុល្លារនៅក្នុងក្រុមហ៊ុន Pestana Hotel Group

ប្រភព៖ cnbc

អត្ថបទដោយ៖ Ciel

ផ្ទាំងឃោសនាពាណិជ្ជកម្ម
សួស្តី! ខ្ញុំគឺជាអ្នកសរសេរអត្ថបទឱ្យ Apamat.com និងប្រែសម្រួលអត្ថបទណាទាក់ទងនិងអ្នកជំនួញល្បីៗ ជាពិសេសរបៀបក្នុងការសម្រេចជោគជ័យ ព្រមទាំងបទពិសោធន៍បរាជ័យរបស់ពួកគេ។ សម្រាប់ទស្សនៈខ្ញុំផ្ទាល់ ខ្ញុំយល់ថា ការធ្វើអាជីវកម្មគឺជាថ្នាំដ៏ស័ក្តិសិទ្ធិមួយដែលអាចកែប្រែទំនាស់ផលប្រយោជន៍រវាងមនុស្សនិងមនុស្ស។ សូមអរគុណចំពោះចំណាប់អារម្មណ៍ និងពេលវេលាដ៏មានតម្លៃរបស់អ្នកក្នុងការអានអត្ថបទរបស់ខ្ញុំ៕