៦ ចំណុចបង្ហាញថាអ្នកកំពុងតែខាតពេលជាមួយនឹងការងារដែលកំពុងតែធ្វើ

3599

ជាការពិតណាស់បើសិនជាអ្នកមិនអាចរកហេតុផលសម្រាប់ខ្លួនឯង ថាតើអ្វីជាកំលាំងចិត្តដែលជំរុញ​​អោយអ្នកធ្វើការងារដែលអ្នកកំពុងធ្វើសព្វថ្ងៃ វាដល់ពេលហើយដែលអ្នកគួរបោះបង់វាចោលហើយជំរុញខ្លួនឯងអោយទៅរកអ្វីដែលថ្មី។​ ​

តាមរយៈលោកស្រី Holly Caplan ដែលជាអ្នកនិពន្ធ និង អ្នកផ្តល់ព្រឹក្សាផ្នែកការងារបានមានប្រសាសន៏ថា ការសន្យានៅមួយកន្លែងដោយមិនព្រមផ្លាស់ប្តូរដោយសារភាពភ័យខ្លាចដែលមិនដឹងអ្វីនោះ អាចធ្វើអោយអ្នកនៅជាមួយនឹងការងារដែលមិនសាកសមនឹងខ្លួន។ ហើយកាលដែលយើងធ្វើបែបនេះ វាហាក់បីដូចជាយើងកំពុងតែផ្តាច់ខ្លួនឯងមិនអោយទទួលបានឱកាសការងារដែលល្អ និង​មានភាពជោគជ័យក្នុងការងារឡើយ។

ដូចនេះហើយប្រសិនបើអ្នកពិបាកក្នុងការសម្រេចចិត្តថាតើអ្នកគួរបន្តជាមួយការងារមួយនេះទៀតឬអត់ ៦ ចំណុចខាងក្រោមនេះនឹងជួយអ្នកអោយដឹងថាវាដល់ពេលហើយដែលអ្នក​គួរ​ចាកចេញពីវា ៖

១. អ្នកមិនបានរៀនអ្វីថ្មីសោះពីវា

អ្នកតែងតែឮឃ្លាមួយនិយាយថា “ភាពពេញចិត្តគឺជាសត្រូវនៃភាពរីកចម្រើន ឃ្លាមួយនេះពិតជាត្រឹមត្រូវណាស់នៅក្នុងកន្លែងធ្វើការ។​”

ប្រសិនបើការងាររបស់អ្នកមិនបានធ្វើអោយអ្នកមានភាពរីកចម្រើននោះទេ ទោះបីជាវាបានផ្តល់នូវ វគ្គបណ្តុះបណ្តាលវិជ្ជាជីវៈ ការប្រកួតប្រជែង ឬក៏ជាការផ្តល់ជូនជាលក្ខណៈពិសេសផ្សេងៗក៏ដោយ វាដល់ពេលហើយដែលអ្នកគួរដាក់លិខិតស្នើរឈប់ពីការងារមួយនេះ។

Caplan បន្តថាមូលហេតុព្រោះវាបានបញ្ជាក់អោយឃើញថា ពួកគេមានការចាប់អារម្មណ៏តិចតួចចំពោះអនាគតរបស់អ្នក និងរបៀបនៃការចូលរួមរបស់អ្នកក្នុងស្ថាប័ន ហើយវាបានបង្ហាញយ៉ាងច្បាស់ថាក្រុមហ៊ុនរបស់អ្នកមិនបានចំណាយលើបុគ្គលិកឡើយ។

. អ្នកនៅឆ្ងាយពីកន្លែងធ្វើការ

អ្នកត្រូវដឹងថា ការដែលធ្វើដំណើរឆ្ងាយមិនត្រឹមតែធ្វើអោយអ្នកខាតពេលនោះទេ ប៉ុន្តែវាថែមទាំងធ្វើអោយអ្នកមិនសប្បាយចិត្តជាមួយនឹងការងារទៀតផង។ ជាការពិតណាស់ការសិក្សាមួយបង្ហាញថា រាល់នាទីដែលអ្នកចំណាយក្នុងការធ្វើដំណើរទៅធ្វើការបានបង្កើននូវអារម្មណ៍ធុញថប់ តានតឹង និងមានផលអវិជ្ជមានចំពោះសុខមាលភាពទូទៅទៀតផង។

. ទទួលបានប្រាក់ខែមិនសាកសមនិងកម្លាំង និងពេលវេលាដែលត្រូវចំណាយ

Stransky និយាយថា “ការទទួលបានប្រាក់ខែមិនគ្រប់គ្រាន់គឺជាហេតុផលចម្បងដែលធ្វើអោយបុគ្គលិកចង់លាឈប់ពីការងារ។”

ខណៈពេលដែលអ្នកគិតថាប្រាក់ខែអាចនិងមិនមែនជាការព្រួយបារម្ភតែមួយគត់របស់អ្នក នៅពេលដែលអ្នកទទួលយកការងារមួយ តែកុំភ្លេចថាវាជាការបង្ហាញអោយឃើញថា តើចៅហ្វាយរបស់អ្នកអោយតម្លៃលើសមត្ថភាពរបស់អ្នកប៉ុណ្ណា។យ៉ាងណាម៉ិញ ប្រាក់ខែក៏មានផលប៉ះពាល់ផ្ទាល់ដល់គុណភាពនៃការរស់នៅរបស់អ្នកដែលដូចជា កន្លៃងដែលអ្នករស់នៅ សាលារៀនដែលអ្នករៀន ក៏ដូចជាបំណុលដែលអ្នកមានផងដែរ។

បន្ថែមពីលើនេះទៀត ការស្រាវជ្រាវបានបង្ហាញថា ការដែលទទួលបានប្រាក់ខែតិច អាចបង្ករអោយមានភាពតានតឹងខ្ពស់ ដែលបង្ខំអោយអ្នកធ្វើការច្រើនម៉ោង ដែលជាហេតុធ្វើអោយអ្នកខូចសុខភាព។

. អ្នកមិនចូលចិត្តមិត្តរួមការងាររបស់អ្នក

Stransky និយាយថាមិត្តរួមការងារដែលរំខានអ្នក ធ្វើអោយអ្នកមិនចង់ទៅធ្ចើការ។ ទោះបីជាមានវិធីសាស្ត្រមួយចំនួនប្រើសម្រាប់ដោះស្រាយជាមួយមិត្តរួមការងារដែលមិនចុះសម្រុងជាមួយអ្នកក៏ដោយ ប៉ុន្តែពេលខ្លះជំរើសដ៏ល្អគឺអ្នកគួរតែលាឈប់ពីការងារនោះ ហើយស្វែងរកការងារថ្មីជៀសវាងការខាត់បង់ប្រយោជន៏ ព្រោះថាមិត្តរួមការងារដែលមានបញ្ហាអាចរារាំងដល់ភាពជោគជ័យនៃអាជីពរបស់អ្នក ដោយការកាត់បន្ថយផលិតភាពរបស់អ្នក អុកឡុកការខិតខំប្រឹងប្រែងរបស់អ្នកនិងអាចធ្វើអោយអ្នកបាត់បង់នូវក្រមសីលធម៌ផ្ទាល់ខ្លួន។ លើសពីនេះទៅទៀត ការដែលចំណាយពេលដោះស្រាយបញ្ហាទាំងនេះអាចបណ្តាលអោយមានផលអវិជ្ជមានដល់អ្នកដូចជា គេងមិនលក់នៅពេលយប់ ឈឺក្បាល ឈឺក្រពះ និងរោគសញ្ញាផ្សេងទៀតដែលមិនល្អចំពោះអ្នកទៀតផង។

. ការងាររបស់អ្នកគួរអោយធុញ

Calan និយាយថាបើសិនជាអ្នកមានអារម្មណ៍ថាធុញទ្រាន់ ឬធុញថប់នៅកន្លែងធ្វើការ វាបង្ហាញយ៉ាងច្បាស់ថាដល់ពេលហើយដែលអ្នកត្រូវដើរចេញពីវា។ ប្រសិនបើការងាររបស់អ្នកមិនទាក់ទង់នឹងការធ្វើដើម្បីចិញ្ចឹមជីវិតអ្នកទេ សូមកុំនៅរង់ចាំយូរក្នុងការផ្លាស់ប្តូរអី។អ្នកគួរតែផ្តល់ឱកាសអោយខ្លួនឯងរកអ្វីដែលថ្មីដែលជាទីពេញចិត្តរបស់អ្នក ហើយវានឹងជំរុញអោយអ្នកធ្វើវាបានយ៉ាងល្អ។

. មិត្តរួមការងាររបស់អ្នកកំពុងគេចខ្លួន ហើយទំលាក់ការងារឲ្យអ្នកធ្វើម្នាក់ឯង

Caplan បាននិយាយថា “ប្រសិនបើបុគ្គលិកមានថៅកែល្អ ហើយមានជីវិតការងារដែលមានស្ថេរភាពនោះ ពួកគេនឹងបន្តនៅមួយរយៈ” ។ ក៏ប៉ុន្តែ “ប្រសិនបើចំនុចទាំងពីរខាងលើមិនមានទេ នោះមនុស្សភាគច្រើននឹងចាកចេញពីទីនោះ”។ លោក Caplan បានព្រមានថា “ប្រសិនបើអ្នកឃើញមិត្តរួមការងារដែលអ្នកគោរព មានភាពមិនច្បាស់លាស់​ម្តងទៅស្តាំម្តងទៅឆ្វេង នេះគឺជាសញ្ញាបង្ហាញថាវាដល់ពេលហើយដែលត្រូវរកការងារថ្មីដែលជាជំរើសដ៏ត្រឹមត្រូវសម្រាប់អ្នក៕”​

ប្រភពអត្ថបទ៖ CNBC

ផ្ទាំងឃោសនាពាណិជ្ជកម្ម
I'm a freelance writer of APAMAT. Mostly, my articles are about youth, businesswomen, money and life. This moment, I'm also running my own business, an import and export company between China-Cambodia. I'm here because I love to share my experiences with you about both life and business. Enjoy!