រថយន្តក្រុងគ្មានមនុស្សបើករបស់ក្រុមហ៊ុន Baidu ចាប់ផ្តើមសម្រុកចូលទីផ្សារ

366

បច្ចេកវិទ្យាកាន់តែទំនើប និងមានភាពជឿនលឿនយ៉ាងខ្លាំងពីមួយថ្ងៃទៅមួយថ្ងៃ ហើយគេរំពឹងទុកថា ទៅថ្ងៃអនាគត ពិភពលោកនឹងប្រើប្រាស់ ឧបករណ៍អេឡិចត្រូនិច និង Robot ឱ្យធ្វើការជំនួសមនុស្សវិញ។

ថ្មីនេះៗ ក្រុមហ៊ុនបច្ចេកវិទ្យាធំបំផុតមួយរបស់ប្រទេសចិន Baidu បានប្រកាសថា ខ្លួនបានបង្កើនការផលិតយ៉ាងស្ទុះស្ទារនៃរថយន្តក្រុង self-drive

 

នៅក្នុងសេចក្តីប្រកាសមួយបន្ទាប់ពីការផលិតបានរថយន្តក្រុងគ្មានមនុស្សបើក Apolong ចំនួន ១០០ គ្រឿង ក្រុមហ៊ុន Baidu បានសរសេរថា រថយន្តរបស់ខ្លួននឹងត្រូវបានដាក់ឱ្យប្រើប្រាស់ជាលក្ខណៈផ្សាយពាណិជ្ជកម្មដំបូងនៅក្នុងទីក្រុងមួយចំនួនរបស់ប្រទេសចិន នឹងបោះគោលដៅទៅក្នុងទីផ្សារបរទេសនាពេលខាងមុខ។

រថយន្តក្រុង Apolong អាចផ្ទុកអ្នកដំណើរបានរហូតដល់ ១៤ នាក់ ប៉ុន្តែវាគ្មានកន្លែងអង្គុយសម្រាប់អ្នកបើកបរ គ្មានចង្កូតនិងឈ្នាន់បញ្ជាទេ។ រថយន្តនេះប្រើប្រាស់ថាមពលអគ្គិសនី និងអាចធ្វើដំណើរបានដល់ ១០០ គីឡូម៉ែត្រ ហើយក្រោយពីសាកថ្មបាន ២ ម៉ោងរួច វាអាចធ្វើដំណើរបានរហូតដល់ ៧០ គីឡូម៉ែត្រក្នុងមួយម៉ោង។

រថយន្តគ្មានមនុស្សបើក Apolong ត្រូវបានផលិតឡើងដោយមានការសហការពីក្រុមហ៊ុន Softbank Group របស់ជប៉ុន ហើយរថយន្ត Apolong ក៏រំពឹងថានឹងដាក់ឱ្យប្រើប្រាស់នៅលើផ្លូវមួយចំនួនក្នុងប្រទេសជប៉ុនផងដែរ៕

ប្រភព៖ bbc

អត្ថបទដោយ៖ Ciel

ផ្ទាំងឃោសនាពាណិជ្ជកម្ម
សួស្តី! ខ្ញុំគឺជាអ្នកសរសេរអត្ថបទឱ្យ Apamat.com និងប្រែសម្រួលអត្ថបទណាទាក់ទងនិងអ្នកជំនួញល្បីៗ ជាពិសេសរបៀបក្នុងការសម្រេចជោគជ័យ ព្រមទាំងបទពិសោធន៍បរាជ័យរបស់ពួកគេ។ សម្រាប់ទស្សនៈខ្ញុំផ្ទាល់ ខ្ញុំយល់ថា ការធ្វើអាជីវកម្មគឺជាថ្នាំដ៏ស័ក្តិសិទ្ធិមួយដែលអាចកែប្រែទំនាស់ផលប្រយោជន៍រវាងមនុស្សនិងមនុស្ស។ សូមអរគុណចំពោះចំណាប់អារម្មណ៍ និងពេលវេលាដ៏មានតម្លៃរបស់អ្នកក្នុងការអានអត្ថបទរបស់ខ្ញុំ៕