Galaxy Note 9 ត្រូវបានបែកធ្លាយរូបរាងមុនថ្ងៃប្រកាសលក់?

459

ទូរស័ព្ទ Samsung Galaxy Note 9 ដែលប្រកាសថានឹងចេញជាផ្លូវការនៅថ្ងៃទី ៩ ខែសីហា ខាងមុខនេះបានបែកធ្លាយក្នុងវីដែអូមួយដែលបាន អាប់ឡូតក្នុងយូធូបដោយ MySmartPrice។ វីដេអូដែលមានរយៈពេលប្រហែលមួយនាទីបានបង្ហាញពីប្រអប់និងរូបរាងរបស់ Note 9 និងលក្ខណៈសម្បត្តិរបស់វា។

នៅខាងក្រោយប្រអប់របស់ Note 9 នេះបានបង្ហាញពី អេក្រង់ទំហំ 6.3 អុីញ ប្រភេទ QHD+។ ក្រៅពីនេះ Note 9 នេះមានបំពាក់នូវ RAM 6GB មេម៉ូរីចំនួន 64GB។ ផ្នែកខាងក្រោយមានកាំមេរ៉ាទំហំ 12MP ចំនួនពីរ រីឯខាងមុខវិញមានកាមេរ៉ាទំហំ 8MP ចំនួនមួយ។ គេរំពឹងថា Note 9 នេះជាប្រភេទទូរស័ព្ទដែលអាចការពារទឹក ឬធូលីកម្រិត IP68 ហើយភ្ជាប់មកជាមួយឧបករណ៍ស្កេនភ្នែក និងការសាកថ្មដោយមិនបាច់ប្រើខ្សែ។ 

អ្នកគាំទ្រ Galaxy Note កុំទាន់អាលអរព្រោះ អ្នកជំនាញនៅតែមិនទាន់ទុកចិត្តថាវាគឺជា Note 9 ពិតប្រាកដដោយសារអក្សរ
ដែលព្រីននៅលើស្ទីកឃ័របិត ស្គ្រីនទូរស័ព្ទខុសពីរអក្សររបស់ Galaxy Note ជំនាន់មុនៗ។ ដើម្បីអោយដឹងថាវាពិត ឬមិនពិត យើងមានតែរងចាំមើលនៅថ្ងៃទី ៩ ខែក្រោយប៉ុណ្ណោះ៕

ប្រភព៖ Techradar

ផ្ទាំងឃោសនាពាណិជ្ជកម្ម
ខ្ញុំគឺជាជំនួយការសរសរអត្ថបទរបស់ apamat.com។ ខ្ញុំចូលចិត្តការងារនេះព្រោះខ្ញុំអាចសរសេរអត្ថបទទាក់ទងនឹង ការធ្វើជំនួញដើម្បីអ្នកអានគ្រប់គ្នា។ ខ្ញុំសង្ឃឹមថាអ្នកទាំងអស់គ្នានឹងក្លាយទៅជាអ្នកជំនួញជោគជ័យ ព្រោះនាពេល អនាគតបញ្ហារបស់ពិភពលោកភាគច្រើននឹងត្រូវបានដោះស្រាយដោយអ្នកជំនួញ។