រាជរដ្ឋាភិបាលគ្រោងចំណាយថវិកា ៧លានដុល្លារ សម្រាប់ឧបត្ថម្ភមន្ត្រីរាជការគ្រប់ប្រភេទក្នុងឱកាសបុណ្យភ្ជុំបិណ្ឌ

1519
រូបពីហ្វេសប៊ុកសម្ដេច ហ៊ុន សែន

មន្ត្រីរាជការ កងកម្លាំងប្រដាប់អាវុធ និវត្តន៍ជន និង​មន្ត្រីចាប់ពីថ្នាក់ភូមិឡើង នឹងទទួលបានការឧបត្ថម្ភពីរាជរដ្ឋាភិបាលម្នាក់ ៥ម៉ឺនរៀល នាឱកាសបុណ្យភ្ជុំបិណ្ឌនាពេលខាងមុខនេះ។ ការចំណាយនេះ គ្រោងនឹងចំណាយអស់ថវិកាសរុបប្រមាណ ៣០ពាន់លានរៀល ឬប្រហែល ៧លានដុល្លារអាមេរិច។


សម្ដេច តេជោ បានថ្លែ​​ងនៅវិមានសន្តិភាព ក្នុងកិច្ចប្រជុំពេញអង្គគណៈរដ្ឋមន្ត្រីដំបូង នាថ្ងៃទី៧ ខែកញ្ញា ម្សិលមិញថា​​ ការឧបត្ថម្ភនេះគឺសម្រាប់មន្ត្រីរាជការគ្រប់ប្រភេទ និងកងកម្លាំង ប្រដាប់អាវុធ ក្នុង​ម្នាក់​ចំនួ​ន​៥ម៉ឺនរៀល ដូច្នេះស្នើឱ្យក្រសួងសេដ្ឋកិច្ច និងហិរញ្ញវត្ថុ និងក្រសួងមុខងារ សាធារណៈ​រៀប​ចំជាអនុក្រឹត្យឡើង នេះជាចំណុចទីមួយ។

ឯចំណុចទីពីរ គឺត្រូវរៀបចំការបើកបៀវត្ស​រ៍ក្នុង​ខែ​កញ្ញានេះ គឺត្រូវបើកនៅសប្ដាហ៍ ទីបួនធម្មតា ប៉ុន្តែយើងត្រូវដឹងថានៅខែតុលានឹង​មាន​បុណ្យ​ភ្ជុំបិណ្ឌ ដូច្នេះត្រូវបើកបៀវត្សរ៍ និងប្រាក់ឧបត្ថម្ភនៅសប្ដាហ៍ទីមួយនៃខែតុលា។ ឯខែវិច្ឆិកា​យើង​អាចបើកបៀវត្សរ៍ នៅ សប្ដាហ៍ទីពីរ ដើម្បីកុំឱ្យមានគម្លាតនៃការបើកបៀវត្សរ៍​កាលពី​ដើម​ខែ​តុ​លា ហើយម្យ៉ាង ទៀតយើងក៏មានបុណ្យអុំទូកផងដែរ។ ចំណែកខែធ្នូគឺត្រូវបើក​នៅ​សប្ដា​ហ៍​​ទី​៣ នេះជារបៀបមួយដើម្បីដោះស្រាយបញ្ហា ហើយចាប់ផ្ដើមពីខែមករា ឆ្នាំ២០១៩ទៅ គឺ​ក្នុង​រយៈពេល ១៥ថ្ងៃបើកបៀវត្សរ៍ម្ដង។ នេះគឺជាអ្វីដែលយើងបានរៀបចំទុកជាមុន៕

ផ្ទាំងឃោសនាពាណិជ្ជកម្ម
ខ្ញុំគឺជាអ្នកសរសេរអត្ថបទ និងអ្នកទីផ្សារឲ្យគេហទំព័រ apamat.com ហើយខ្ញុំក៏កំពុងធ្វើការជាអ្នកទីផ្សារឲ្យក្រុមហ៊ុនផ្សេងទៀតផងដែរ។ ខ្ញុំចូលចិត្តចែករំលែក ហើយខ្ញុំមកទីនេះគឺដោយសារខ្ញុំចង់ចែករំលែកអ្វីដែលខ្ញុំដឹងអំពីការធ្វើជំនួញ ជាមួយអ្នក។