App ២ ដែលមានសមត្ថភាពជំរុញការងាររបស់អ្នកអោយមានប្រសិទ្ធភាពខ្ពស់

1979

តើអ្នកចង់មានភាពងាយស្រួលក្នុងការរក្សាទុកកំណត់ត្រាដើម្បីងាយស្រួលក្នុងការធ្វើកិច្ចការ ឬរក្សាសំណុំវិក្កយបត្ររបស់អ្នកទេ? ឬអ្នកកំពុងចង់បានអ្វីមួយដែលអាចជួយរំលឹកពីអ្វីដែលត្រូវធ្វើដែររឺអត់? វាមិនមែនជារឿងដែលពិបាកទៀតនោះទេនឹងអស់បារម្ភជាមួយបញ្ហាទាំងអស់នេះទៀតហើយដោយគ្រាន់តែតម្លើងកម្មវិធីទាំងពីរខាងក្រោមនេះដាក់លើទូរស័ព្ទដៃរបស់អ្នក៖

Evernote

Evernote គឺជាកម្មវិធីដែលអ្នកអាចរៀបចំកំណត់ត្រារបស់អ្នក ធ្វើកំណត់ហេតុអំពីការងារដែលត្រូវធ្វើទាំងកិច្ចការសាលា កិច្ចការក្នុងការិយាល័យ ឬជាគំរោងនៃអាជីវកម្មរបស់អ្នក បានគ្រប់ពេលវេលានិងទីកន្លែង។ អ្នកក៏អាចប្រើវាដើម្បីធ្វើការរំលឹកអំពីកាលវិភាគដែលត្រូវធ្វើ ហើយវាមានភាពងាយស្រួលក្នុងការស្កេនឯកសារដូចជាសំណុំសំបុត្រ និងវិក័យប័ត្រដោយកាមេរ៉ាដែលមានស្រាប់នៅក្នុងកម្មវិធី។ Evernote អាចជួយអ្នកបានជាច្រើនក្នុងសកម្មភាពរស់នៅប្រចាំថ្ងៃ ការងារជំនួញ និងអាចប្រើក្នុងការអប់រំផងដែរ។

សមត្ថភាពរបស់ Evernote​ មានដូចជា:

សរសេរ ប្រមូល និងចាប់យកគំនិតដូចជាចំណាំកំណត់ត្រាសៀវភៅ បញ្ជីត្រួតពិនិត្យ និងការងារដែលត្រូវធ្វើ

បង្កើតកំណត់សម្គាល់នៅក្នុងទ្រង់ទ្រាយខុសៗគ្នាដែលរួមមាន: អត្ថបទ គំនូរ រូបថត ឯកសារ អូឌីអូរ និងច្រើនទៀត

អ្វីៗគ្រប់យ៉ាងដំណើរការដោយស្វ័យប្រវត្តិតាមរយៈទូរស័ព្ទ ឬកុំព្យូទ័រ

ចាប់ផ្ដើមការងាររបស់អ្នកដែលធ្វើការលើឧបករណ៍មួយហើយបន្តទៅមុខទៀតដោយមិនបាត់ការងារចាស់។ល។

Todoist

កម្មវិធី Todoist គឺជាកម្មវិធីដ៏អស្ចារ្យមួយនៅពេលនិយាយពីការធ្វើផែនការការងារ។ វានឹងតាមដានភារកិច្ចរបស់អ្នកនៅពេលអ្នកបំពេញវាបន្ទាប់មកវានឹងបង្ហាញពីផលិតភាពរបស់អ្នកក្នុងរយៈពេល 24 ម៉ោង។ វារក្សាការត្រួតពិនិត្យលើទិន្នន័យរបស់អ្នកហើយប្រាប់អ្នកថាតើអ្វីដែលអ្នកកំពុងធ្វើមានភាពប្រសើរឡើងដែរ ឬទេ។ សរុបមកវាជាកម្មវិធីមួយដែលធ្វើការតាមដានលើផលិតភាពនៃការងាររបស់អ្នក។ ហើយអ្វីដែលកម្មវិធីនេះមានសមត្ថភាពធ្វើគឺមានដូចជា៖

  • រៀបចំភារកិច្ចនៅក្នុងបញ្ជីការងារដែលត្រូវធ្វើរបស់អ្នកបានភា្លមរាល់ពេលដែលអ្នកគិតឃើញនូវគំនិតអ្វីមួយ។
  • ជាអង្គចងចាំពីការកំណត់កាលបរិច្ជេទសំខាន់ៗដែលជិតដល់ពេលកំណត់។
  • បន្ធូរភាពតានតឹងដោយមានភាពងាយស្រួលក្នុងការផ្ទេរ ឬចែករំលែកភារកិច្ច និងកិច្ចការផ្សេងៗដល់សមាជិកក្រុមក្នុងគម្រោងរបស់អ្នក។
  • កំណត់សកម្មភាពសំខាន់ៗប្រចាំថ្ងៃរបស់អ្នកដោយប្រើកូដពណ៌ ដែលងាយស្រួលអោយអ្នកដឹងពីកិច្ចការចម្បងដែលត្រូវធ្វើ ឬបញ្ចប់មុនគេ។
  • មានភាពងាយស្រួលក្នុងការមើលទិដ្ឋភាពទូទៅនៃសមិទ្ធផលប្រចាំសប្តាហ៍ និងប្រចាំខែរបស់អ្នកជាមួយនឹងក្រាហ្វិចដែលមានលក្ខណៈផ្ទាល់ខ្លួន៕
ផ្ទាំងឃោសនាពាណិជ្ជកម្ម
I'm a freelance writer of APAMAT. Mostly, my articles are about youth, businesswomen, money and life. This moment, I'm also running my own business, an import and export company between China-Cambodia. I'm here because I love to share my experiences with you about both life and business. Enjoy!