Naga ប្រកាសថាខ្លួនទទួលចំនូលចំនួន ១ពាន់លានដុល្លារ ពីការលេងល្បែង

2989

NagaWorld បានមើលឃើញនូវកំណើនដ៏ធំបំផុតនៅក្នុងប្រតិបត្ដិការ VIP របស់ខ្លួន ដែលសំដៅដល់ការភ្នាល់ ដោយចំនួនអ្នកភ្នាល់បានកើនឡើង 128% គិតជាប្រាក់ស្មើរ 25 ពាន់លានដុល្លារក្នុងរយៈពេលត្រឹម 3ត្រីមាស ក្នុងឆ្នាំនេះ។

ក្រុមហ៊ុនមេរបស់ក្រុមហ៊ុន NagaCorp Ltd ដែលបានចុះបញ្ជីនៅទីក្រុងហុងកុង ហើយបានចេញផ្សាយរបាយការណ៍ប្រចាំត្រីមាសទីបីរបស់ខ្លួន កាលពីថ្ងៃចន្ទដោយបង្ហាញពីប្រាក់ចំណូលពីការលេងល្បែងសរុបកើនឡើង (GGR) 94% ស្មើរនឹងប្រាក់ 1.07 ពាន់លានដុល្លារ។

ការទិញតាមទីផ្សារធំៗ បានកើនឡើង 57 ភាគរយស្មើនឹង 887,6 លានដុល្លារ។ ខណៈពេលដែលការលងតាមម៉ាស៉ីន (EGM) បានកើនឡើង 22% ស្មើរ 1,6 ពាន់លានដុល្លារ។

លោក Patrick McNally ប្រធានក្រុមហ៊ុន NagaCorp Ltd ថ្លែងថាការបើក Naga 2 កាលពីខែវិច្ឆិកាឆ្នាំមុនបានធ្វើឱ្យមានការកើនឡើងនូវគុណភាពនៃល្បែង Mass Gaming, Nongaming និង VIP

កាស៊ីណូNagaWorld រួមមានNaga 1 និងNaga 2 ត្រូវបានតភ្ជាប់តាមផ្សារទំនើបក្រោមដីដែលគេស្គាល់ឈ្មោះថា NagaCity Walk

ក្រុមហ៊ុននេះក៏កំពុងមានគម្រោងសាងសង់ Naga 3 ផងដែរ។ ដោយផ្អែកលើការឲ្យយោបល់ពីម្ចាស់ភាគហ៊ុន ក្រុមហ៊ុនមានទំនុកចិត្តខ្ពស់ ក្នុងការពង្រីកវិសាលភាព និងធ្វើឲ្យអាជីវកម្មកាន់តែលូតលាស់ទៅមុខ ដើម្បីសម្រេចមហិច្ចតាក្លាយជារម្មណីយដ្ឋានដ៏ជោគជ័យជាងគេនៅតំបន់អាស៉ី។

ពុំមានព័ត៌មានណាមួយត្រូវបានឲ្យដឹងទាក់ទងនឹងទីតាំងដែលទីបីរបស់ Naga ទេ៕

ប្រភព៖ Phnom Penh Post

ផ្ទាំងឃោសនាពាណិជ្ជកម្ម
សួស្តី! ខ្ញុំគឺជាអ្នកសរសេរអត្ថបទម្នាក់នៅលើគេហទំព័រ APAMAT ហើយអត្ថបទរបស់ខ្ញុំភាគច្រើនជាអត្ថបទព័ត៌មានពាណិជ្ជកម្ម។ បច្ចុប្បន្ន ខ្ញុំគឺជានិស្សិតឆ្នាំទីបួន ជំនាញវិទ្យាសាស្ត្រសេដ្ឋកិច្ច និងជាសមាជិកក្រុម startup ម្នាក់នៅ Apamat Team ផងដែរ។