Google Map កំពុងធ្វើកំណែទម្រង់ធំមួយ ដើម្បីជួយសន្សំពេលវេលាដល់អ្នកប្រើប្រាស់

3067

ជាការពិត ​Google Map ជាកម្មវិធីមួយដែលបានសំរួលដល់អ្នកប្រើប្រាស់ជាច្រើនដូចជាការស្វែងរក ផ្លូវ ទីដៅ និងរយៈពេលក្នុងការប្រើប្រាស់ផ្លូវនានាបានយ៉ាងងាយស្រួល។ នៅសហរដ្ឋអាមេរិក កាលពីថ្ងៃចន្ទក្រុមហ៊ុន Google បានប្រកាសពីការផ្លាស់ប្តូរធំៗ មួយចំនួនដែលកើតមានចំពោះ Google Maps នៅលើទូរស័ព្ទទាំង iPhone និង Android ដែលវាអាចជួយអ្នកកាន់តែសន្សំសំចៃពេលវេលានៅក្នុងការធ្វើដំណើររបស់អ្នក។

Google Maps នឹងបង្ហាញអ្នកនូវភាពទាន់សម័យផ្សេងមួយទៀត លើស្ថានភាពពិតប្រាកដភ្លាមៗនៅលើរថភ្លើង និងរថយន្ដក្រុងនៅក្នុងទីក្រុងរបស់អ្នក វាអាចឲ្យអ្នកដឹងថាអ្នកកំពុងធ្វើដំណើរដូចជារថយន្ដ ឬរថភ្លើងរបស់អ្នកកំពុងដំណើរការលឿង ឬយឺត។ ក្រុមហ៊ុន Google បាននិយាយថាវានឹងមានវត្តមាននៅក្នុង 80តំបន់នៅជុំវិញពិភពលោកដំបូង ប៉ុន្តែនឹងបន្តពង្រីកទៅតំបន់ជាច្រើនទៀត ហើយកម្មវិធីនេះក៏មានផ្ទាំង “ចរាចរណ៍” ថ្មីដែលនឹងបង្ហាញអ្នកនូវព័ត៌មានទាំងអស់ដែលអ្នកអាចដឹង អំពីការធ្វើដំណើររបស់អ្នក។

ស្លាកសញ្ញានោះ យើងអាចដឹងថាអ្នកបើកបរក្នុងផ្នែកមួយនៃផ្លូវធ្វើដំណើរ ហើយសម្រាប់ផ្នែកផ្សេងទៀតសម្រាប់យានយន្តនោះ វានឹងបង្ហាញអ្នកនូវព័ត៌មានអំពីចរាចរណ៍ និងយានយន្តរបស់អ្នកផងដែរ។ ប្រសិនបើវាដឹងថាការធ្វើដំណើររបស់អ្នកនឹងយូរជាងធម្មតាវា​  នឹងផ្ញើការដាស់តឿនអំពីផ្លូវជំនួស ឬផ្លូវវាងមុនពេលអ្នកចាកចេញពីកន្លែងធ្វើការ ឬចេញពីផ្ទះ។

ផែនទី Google ក៏នឹងអនុញ្ញាតឱ្យអ្នកត្រួតពិនិត្យតន្ត្រីរបស់អ្នកនៅលើកម្មវិធី Spotify, Apple Music និង Google Play Music ពីក្នុងកម្មវិធី Google Map ផងដែរ។ ដូច្នេះ អ្នកមិនចាំបាច់ចាកចេញពីកម្មវិធី Google Map ដើម្បីផ្លាស់ប្តូរបទចម្រៀងនៅពេលបើកបរឡើយ។

ក្រុមហ៊ុន Google បាននិយាយថាការផ្លាស់ប្តូរនេះនឹងបង្ហាញដល់អ្នកប្រើផែនទី Google នៅលើទូរស័ព្ទ iPhone និង Android ក្នុងសប្តាហ៍នេះ ប៉ុន្តែកំណែរទម្រង់នេះមានតែកន្លែង និងប្រទេសមួយចំនួនសិនប៉ុណ្ណោះ ដោយមិនទាន់អាចប្រើប្រាស់នៅប្រទេសកម្ពុជានៅឡើយទេ៕

ផ្ទាំងឃោសនាពាណិជ្ជកម្ម
សួស្តី! ខ្ញុំគឺជាអ្នកសរសេរអត្ថបទម្នាក់នៅលើគេហទំព័រ APAMAT ហើយអត្ថបទរបស់ខ្ញុំភាគច្រើនជាអត្ថបទព័ត៌មានពាណិជ្ជកម្ម។ បច្ចុប្បន្ន ខ្ញុំគឺជានិស្សិតឆ្នាំទីបួន ជំនាញវិទ្យាសាស្ត្រសេដ្ឋកិច្ច និងជាសមាជិកក្រុម startup ម្នាក់នៅ Apamat Team ផងដែរ។