តើនរណាជា CEO ឆ្នើមជាងគេបំផុតក្នុងលោកប្រចាំឆ្នាំ ២០១៨?

តាមរយៈទស្សនាវដ្ដី CEOWORLD MAGAZINE កាលពីថ្ងៃទី ១២ ខែ តុលា ឆ្នាំ ២០១៨ កន្លងទៅ បានបង្ហាញឱ្យឃើញថា លោក Jamie Dimon ដែលជាប្រធាន និងជានាយកប្រតិបត្តិរបស់ក្រុមហ៊ុន JP Morgan Chase បានស្ថិតនៅលើកំពូលតារាងបេក្ខភាព World Best CEO ២០១៨ ចំណែកឯកំពូលអ្នកវិនិយោគ និងជា CEO របស់ក្រុមហ៊ុនវិនិយោគ Berkshire Hathaway លោក Warren Buffet បានឈរនៅលេខរៀងទី ២។ អ្នកឈរនៅលេខរៀងទី ៣ និងទី ៤ បានទៅលើលោក Brian Moynihan នាយកប្រតិបត្តិរបស់ Bank of America និងលោក Timothy Sloan នាយកប្រតិបត្តិរបស់ក្រុមហ៊ុន Wells Fargo។

រីឯលោក Tim Cook ដែលកំពុងកាន់តំណែងជា CEO នៅក្នុងក្រុមហ៊ុនបច្ចេកវិទ្យាដ៏ល្បីល្បាញហើយក៏ជាក្រុមហ៊ុនរកប្រាក់ចំណូលបានរាប់លានពីការលក់ផលិតផលសេរី Apple ផងនោះ បានត្រឹមឈរនៅលំដាប់ទី ៥ ប៉ុណ្ណោះក្នុងបញ្ជីឈ្មោះ CEO ល្អបំផុតប្រចាំឆ្នាំ ២០១៨។

Satya Nadella ដែលជានាយកប្រតិបត្តិរបស់ក្រុមហ៊ុន Micrsoft បានស្ថិតនៅលេខរៀងទី ១៥។ ប៉ុន្តែ អ្វីដែលគួរឱ្យកត់សម្គាល់នោះគឺថាកំពូលមហាសេដ្ឋីមានជាងគេ និងជាម្ចាស់ក្រុមហ៊ុនយក្ស Amazon លោក Jeff Bezos បែរជាឈរនៅលេខរាងទី ៤៧ ឯណោះក្នុងចំណោមនាយកប្រតិបត្តិឆ្នើមបំផុតក្នុងលោកទាំង ៥០ នាក់ ប្រឆ្នាំ ២០១៨។ ខាងក្រោមនេះគឺបញ្ជីឈ្មោះ CEO ល្អបំផុតក្នុងលោកឆ្នាំ ២០១៨ ទាំង ៥០ នាក់៖

Best CEOs in the World, 2018

ការវាយតម្លៃរបស់ទស្សនាវដ្តី CEOWORLD នេះ គឺធ្វើឡើងដោយផ្អែកលើសកម្មភាពធ្វើអាជីវកម្មជាក់ស្ដែងរបស់ក្រុមហ៊ុននីមួយៗ និងប្រាក់ចំណូលដែលសារជីវកម្មធំៗទាំងនេះទទួលបានក្រោមការដឹកនាំរបស់ CEO៕

ផ្ទាំងឃោសនាពាណិជ្ជកម្ម