លោក Bill Gates ប្រាប់ពីកត្តាបីយ៉ាង ដែលឪពុកម្ដាយរបស់គាត់បានធ្វើ ហើយវាបានជួយឲ្យគាត់ជោគជ័យ

1445

ក្នុងជីវិតរបស់បុគ្គលម្នាក់ៗមានកត្តាជាច្រើនដែលជាអ្នកជួយដល់ការជោគជ័យរបស់គាត់ ក្នុងនោះក៏មានឪពុកម្ដាយផងដែរ។ សម្រាប់លោក Bill Gates វិញក៏បាននិយាយថាឪពុកម្ដាយរបស់គាត់ជាផ្នែកដ៏ធំនៃការជោគជ័យរបស់គាត់រហូតមកដល់បច្ចុប្បន្ននេះ។ ខាងក្រោមនេះគឺជាមេរៀនដ៏មានតម្លៃក្នុងជីវិតដែលលោក Bill Gates ទទួលពីឪពុកម្ដាយរបស់គាត់។

១.ការងារសហគមន៍៖ ជីវិតរបស់ក្រុមគ្រួសារត្រកូល Gates គឺរស់ផ្សារភ្ជាប់នឹងការជួយការងារសហគមន៍ ហើយឪពុកម្ដាយរបស់គាត់ជំរុញអោយកូនៗចូលរួមការងារទាំងនោះជានិច្ច។ ម្ដាយរបស់គាត់រស់នៅតាមគំនិតមួយដែលមាននៅក្នុងសៀវភៅសាសនាគ្រឹស្ដដែលជំរុញអោយមនុស្សដែលមានគ្រប់គ្រាន់សម្រាប់ខ្លួន​ឯងត្រូវចេះចែករំលែកដល់អ្នកខ្វះខាត។ ម្ដាយរបស់គាត់បានបណ្ដុះគំនិតនេះទៅអោយកូនៗគ្រប់រូប ហើយពេលនេះពិភពលោកទទួលបានផលតបស្នងពីសកម្មភាពរបស់លោក Bill Gates ដែលបរិច្ចាគលុយរាប់ពាន់លានដុល្លារដើម្បីជួយដល់សកម្មភាពសប្បុរសធម៌នានា។

ផ្ទាំងឃោសនាពាណិជ្ជកម្ម

២.ផ្ដល់ឯករាជ្យដល់កូន៖ មានគ្រួសារជាច្រើនកំពុងតែជួបប្រទះបញ្ហាមួយ នោះគឺឪពុកម្ដាយទាមទារឲ្យកូនៗស្ដាប់បង្គាប់ ខណៈកូនវិញទាមទារការមានឯករាជ្យលើខ្លួនឯង។ ប៉ុន្ដែសម្រាប់ឪពុកម្ដាយរបស់លោក Bill Gates វិញ ពួកគាត់ផ្ដល់សិទ្ធសេរីភាពដល់កូនរបស់ខ្លួនដោយដំបូងឡើយគាត់អោយកូនគាត់ទៅរៀននៅសាលាឯកជន ដែលផ្ដល់សិទ្ធសេរីភាពជាងសាលាដទៃទៀតដល់សិស្សរបស់ខ្លួន។ ពេលចូលរៀននៅសាលានោះហើយដែលលោក Bill Gates ចាប់ផ្ដើមចាប់អារម្មណ៍លើកុំព្យូទ័រ។ គាត់អនុញ្ញាតអោយកូនគាត់ចេញទៅរៀនពីការសរសេរកូដនៅពេលយប់ ហើយកាលនៅវិទ្យាល័យគាត់ក៏សម្រាកមួយរយៈ ដើម្បីទៅធ្វើការជាអ្នកសរសេរកូដ។ នៅពេលចូលសាកលវិទ្យាល័យមិនបានប៉ុន្មានផង គាត់ក៏ឈប់រៀនហើយចេញទៅបើកក្រុមហ៊ុន Microsoft នៅរដ្ឋផ្សេងទៀត ប៉ុន្ដែឪពុកម្ដាយរបស់គាត់មិនបានជំទាស់ឡើយ។ លទ្ធផលនៃការផ្ដល់សិទ្ធសេរីភាពអោយកូនជ្រើសរើសផ្លូវជីវិតផ្ទាល់ខ្លួន ពេលនេះបានជួយអោយលោក Bill Gates ក្លាយជាមហាសេដ្ឋីដ៏មានបំផុតមួយរូបក្នុងពិភពលោក។ ទោះជាយ៉ាងណា ទោះបីជាពួកគាត់មិនបានហាមឃាត់លោក Bill Gates ក៏ពិតមែន ប៉ុន្តែពួកគាត់នៅតែផ្តល់យោបល់ និងលើកទឹកចិត្តលើកិច្ចការដែលគាត់ក៏យល់ថាត្រឹមត្រូវផងដែរ។

៣.មិនបង្រៀនអោយកូនឆាប់ចុះចាញ់ឡើយ៖ កាលពីក្មេង ទោះបីលោក Bill Gates មិនសូវពូកែខាងការហែលទឹក ទាត់បាល់ ឬ លេងឧបករណ៍តន្ត្រីក៏ដោយ ក៏ឪពុកម្ដាយរបស់គាត់មិនអោយលោក Bill Gates បោះបង់ចោលសកម្មភាពទាំងនោះដែរ។ ការដែលគាត់ជំរុញអោយលោក Bill Gates បន្ដធ្វើវានោះគឺដើម្បីអោយកូនរបស់គាត់ដឹងថា ក្នុងជីវិតរបស់មនុស្សម្នាក់ៗយើងមិនចាំបាច់ចេះអ្វីអោយពូកែទាំងអស់នោះទេ ហើយការបរាជ័យគឺជាផ្នែកធម្មតាមួយនៃជីវិត៕​

ផ្ទាំងឃោសនាពាណិជ្ជកម្ម no-alternative title
ខ្ញុំគឺជាជំនួយការសរសរអត្ថបទរបស់ apamat.com។ ខ្ញុំចូលចិត្តការងារនេះព្រោះខ្ញុំអាចសរសេរអត្ថបទទាក់ទងនឹង ការធ្វើជំនួញដើម្បីអ្នកអានគ្រប់គ្នា។ ខ្ញុំសង្ឃឹមថាអ្នកទាំងអស់គ្នានឹងក្លាយទៅជាអ្នកជំនួញជោគជ័យ ព្រោះនាពេល អនាគតបញ្ហារបស់ពិភពលោកភាគច្រើននឹងត្រូវបានដោះស្រាយដោយអ្នកជំនួញ។